詹天文撐Gigi堅強：佢係實力派！

與炎明熹同屬組合After Class成員的詹天文（Windy），昨日現身時裝活動時，講到對方深夜在社交網上載黑畫面，並喊住獻唱已故天后李玟的歌曲，Windy坦言有看到貼文：「我都驚佢唔開心，但後來諗可能咁夜，所以佢唔露自己個樣，佢係好感性嘅人，之前演唱會都會唱到喊，所以大家唔使諗太多。（擔唔擔心佢近期太多負面新聞影響情緒？）如果代入我自己嘅話會有少少擔心，但佢係一個內心堅強嘅人，應該OK，而且佢係實力派，大家都會支持佢。」她稱不會就此事聯絡對方，認為每個人也有情緒，現在最好是讓她靜一靜。