汪明荃演粵劇升呢佘太君

藝人汪明荃（Liza）於8月公演的新編粵劇《忠烈楊門》中，由當年無綫劇《楊門女將》的「穆桂英」升呢首演「佘太君」一角，昨日她率領10多位文武生及花旦包括梁兆明、梁燕飛、梁非同等出席記者會，粵劇出品人暨總策劃彭美施送上有Liza肖像蛋糕預祝新劇大賣。Liza受訪時大叫「好驚」謂：「第一次演老角又要唱平喉，但我想同年輕一輩合作。（老公羅家英可會指教吓？）唔會，各老倌自有一套演繹方式，我諗佢唔敢嚟探班，怕我演得唔好。」