曹敏寶學Rain勁舞

無綫節目《中年好聲音》歌手曹敏寶，趁空檔積極練舞裝備自己，她上載翻跳韓星Rain首本名曲《Rainism》的片段至社交網，自爆一直視對方為偶像：「睇過佢自傳，明白到愈成功嘅人係愈勤力，好佩服佢嘅毅力。Rain有句說話係我人生座右銘，『汗水係永遠唔會背叛你』。」網民紛紛讚她跳得好。至於《中》第2季歌手顏米羔、黃劍文及劉威煌等舉行慈善演唱會，大唱經典歌及劇集主題曲，顏米羔直言獻唱國語歌《卡門》壓力大，幸好現場觀眾反應熱烈，為他打下強心針。