馮允謙着皮褸 逾30度嗌凍

「唱作王子」馮允謙近日推出新歌《在愛面前投降》，日前於酷熱天氣警告下拍攝MV，穿上皮褸、圍巾及皮靴的他，獲工作人員準備退熱貼、降溫噴霧及風扇，以防中暑，不過他卻竟然表示「有點凍」：「個場景好似去咗末日世界，我要爬上爬落同走入樹林，因為啱啱落完雨，周圍好多蝸牛，要好小心行，唔好踩扁佢哋。30幾度氣溫下，我不停催眠自己得10度，途人見到我着成咁仲成面傷痕，都被我嚇親，以為我傻咗！」