倫永亮追星士多等葉麗儀

前晚音樂人倫永亮及陳美齡出席港樂50周年晚宴，他透露稍後將為葉麗儀55周年紀念演唱會任音樂總監，又自爆曾做追星族在士多等偶像出現：「讀中三、四時已經好欣賞葉麗儀，佢去嗰間錄音室喺我屋企附近，又知佢錄音時會去士多買嘢食，所以成日去士多等佢，嗰時佢仲會着短裙，我入行後都有講番件事畀佢知，佢笑到黐線。」至於陳潔靈因確診新冠而缺席。