張文慈被扯落台 畀好多人摸過

張文慈日前接受新城節目訪問，分享穿州過省登台經歷，她猶有餘悸說：「有年生日喺夜場登台，唱唱吓歌老闆推個蛋糕出嚟，全場同我慶祝，握手期間我畀人扯咗落台，當時着咗一條低胸露背裙，一仆向前就跌咗落人海裏面，好多隻手兜住我，托番我上去，你諗吓畀幾多人摸過我個身？都唔知喊唔喊好，但人哋又唔係特登，只係好羞辱嘅感覺，最後都硬住頭皮唱埋落去，一半驚險又一半開心。」