莊思敏疑遭博懵 莊思明：着多啲衫

藝人莊思敏、莊思明與楊明等前晚到沙田出席電影《全職乖孫》首映，莊思敏日前晚上在灣仔街頭疑遭色狼撞胸，她受訪時認定對方有惡意：「佢直情衝住撞埋嚟，係一個外籍男人，好冇禮貌，嗌住佢都冇反應繼續行，有一刻以為係偷嘢。（衣着暴露？）又唔係，嗰日着恤衫，唔通大熱天時着樽領咩。」妹妹莊思明看新聞才知家姐被博懵，笑說：「可能佢大件容易畀人撞到，佢依家着衫都冇以前咁暴露，不過都勸佢着番多啲衫。」不過莊思敏昨日依然在社交網晒水着，被網民讚「勁索」。