Adele爆粗鬧反「性小眾」觀眾

踏入6月是「性小眾」人士的「驕傲月」，各地均有慶祝活動。英國巨肺天后Adele日前於拉斯維加斯舉行駐場騷時，台下就有一名反「性小眾」的觀眾叫囂搗亂，即時被Adele粗口「問候」。

整個過程被在場觀眾拍下於網上分享，片段中Adele坐在鋼琴旁發言，期間突然聽到有位男觀眾大叫：「『驕傲月』好白癡！」Adele即時發火指罵該名觀眾：「你嚟我個X街騷就係為咗講『驕傲月』好白癡？你係咪傻X咗？唔好咁X荒謬。如果你冇好嘢講，收嗲啦，好冇？」Adele連珠炮發反擊後，全場觀眾即時拍手喝采。片段曝光後，有網民鬧爆該搞事觀眾「冇品」，而為「性小眾」發聲的Adele亦被網民大讚：「呢個就係我鍾意Adele嘅原因！」