王丹妮驚老公鬧 唔敢同李宰旭合照

憑韓劇《還魂》人氣急升的韓星李宰旭與《閃亮的西瓜》男主角厲雲昨日一同現身中環，與王丹妮互動，王丹妮卻表示不敢影合照，講笑擔心被老公鬧，爆羅孝勇是呷醋老公：「佢會話你就好啦！可以同靚仔做嘢，我就會讚番佢係我心目中靚仔Oppa，佢都會讚我係佢心目中最靚嘅，大家互氹。」又指老公在澳洲讀書，會待老公月底返港才一起看甜寵劇。現年10歲女兒就與她互相支持，她讚女兒獨立讀書好，但不敢讚太多，擔心囡囡變公主病。對於《九龍城寨之圍城》票房直逼《毒舌大狀》，她也為該片打氣，望代表到香港的電影一套又一套衝出香港。