芯駖傷腰 唱完要人扶落台

女團COLLAR、歌手AGA和陳蕾等人前晚亦有現身歌曲頒獎典禮，COLLAR成員芯駖因腰部受傷未能接受訪問，其他隊員透露芯駖在台上獻唱完後，由經理人扶到台下休息，暫時未知情況是否嚴重，有待觀察：「其實傷勢係上一次演唱會遺留落嚟，前幾日綵排佢都整親，不過最後佢都好努力完成咗表演。」講到今次COLLAR和樂隊Dear Jane首度同台合作，COLLAR笑言獲益良多：「我哋學到點樣炒熱氣氛，同埋佢哋好有默契，綵排嘅時候唔需要點講嘢都可以配合到。」