崔碧珈得寵收玫瑰熊

藝人崔碧珈（Anita）日前生日，最近驛馬星動的她透露剛由新加坡返港一天，跟母親及朋友慶生後，翌日就出發到美國洛杉磯旅遊，她說：「早前拍咗一部新加坡電影叫《小販之王》，電影插曲《跌傷》由我首度作曲及作詞兼主唱，所以我有段時間喺當地同馬來西亞做宣傳，後來仲留低咗喺新加坡放假。今次回港主要係見屋企人，同佢哋一齊食餐飯慶祝。（有冇追求者請你食生日飯？）冇，感情生活都係空白，專注工作先，因為都係緣分。（收到咩禮物？）朋友送咗玫瑰花熊仔畀我，係第一次收到。（男性朋友定女性朋友送？）係女，哈哈！」