Aka幫李靄璣新居畫靚BB房

前組合Super Girls成員趙慧珊（Aka）前晚舉行慈善畫展，展出共10幅以女性和愛為主題的畫作，同行還有佗B約6個月、以Aka藝術總監身份出席的林奕匡太太李靄璣（Rikko）。Rikko指Aka展出的一幅靈鳥抱珍珠，包含BB的作品正是其心頭好：「本來我想使橫手買咗呢幅畫，但今次做善事唔可以咁，所以會叫佢用呢個概念同元素再畫多幅畀我，當然會封番大利是畀佢，藝術係有價值。」最近搬了新屋的她，已預留牆壁給Aka盡情發揮：「留咗BB房同客廳嘅一角畀Aka幫我畫畫。」而Aka自言樂於為Rikko揮筆，因熱愛畫畫，所以零壓力，今次她希望可籌得50萬善款。同一畫展中，名媛謝玲玲亦展出共9幅油畫，獲3名兒女包括林恬兒、林孝能及林心兒到場支持。