Taylor歌迷忘形睇騷「棄嬰」放地下

美國樂壇天后Taylor Swift本月9日起一連4日於法國巴黎開騷，有在場觀眾影到會場內驚現「棄嬰」。

事發於上周五舉行的第2場騷，有女觀眾發現前台「企位」位置地上有一名嬰兒被放在地上，她即拍下照片並於網上公開，懷疑是BB父母睇騷忘形而將BB放在地下。雖然照片中BB瞓在疑似外套上，並似戴上耳筒來保護聽覺，但網民仍然鬧爆父母不顧嬰兒的安全。有網民同時批評場館工作人員為何准許BB進入會場。其中有網民表示：「我明白到保母好難搵，所以就算你真係要帶佢哋嚟睇騷，都唔好逼喺舞台前啲企位。你應該搵個BB座位畀佢哋，而唔係將佢哋隨處放喺地下。」