吳嘉儀被寸賴死自嘲「九線演員」

無綫綜藝節目《開心無敵獎門人》「獎老」吳嘉儀向來率直，早前曾發文鬧爆幕後冇禮貌，近日她再度爆Seed，自爆受同事不禮貌對待。她透露獲通知回公司試造型，但化妝間同事疑似未收到有關通知，竟直斥她：「你坐喺度賴死都唔會有人幫你整頭！」令她大感委屈。

她謂：「試唔到咪唔試囉。唔使喺化妝間對岸大聲呼喝過嚟嘅。我搵個空位坐埋一邊，諗住打個電話問清楚啲個安排，仲要加句話我『賴死』。難道我特登老遠返嚟呃個古裝Look？大家同事唔同部門都係做嘢啫，以禮相待好嗎？」她又自嘲「九線演員」，希望同事將心比己，互相尊重。