頸硬塊未散 高海寧再現鬼剃頭

藝人高海寧早前自爆頸上出現硬塊，上月更突然入醫院晒病床自拍照，健康令人擔憂。她近日返無綫拍劇，接受訪問時被問到入院一事，她說：「好突然㗎，係拍完《無限超越班》通宵之後第二日，坐飛機返嚟，跟住按條頸，咦，乜有粒咁大嘅嘢，硬硬哋，跟住就好驚，摸去頭皮兩大舊硬塊，跟住痛喎，死啦，咩事呢？」之後其母發現她有鬼剃頭，她說：「之前試過兩次，最近又有，咁我知係壓力，要抽時間去醫院Check，劇組好好，放咗我幾日假，Check到出嚟唔係嚴重嗰邊嘅可能性已經好好多，依家仲喺度（硬塊），醫生話最好係可以休息。」