洪嘉豪期待掃獎

歌手洪嘉豪完成首個個人紅館演唱會後，立即開工宣傳最新專輯，他自評之前開騷的表現只有70、80分：「仍然有好大進步空間，唱歌方面係比之前好咗，練習有成果，但係有啲處理上仍然可以更好，尤其係第一場做得冇咁好，但尾場去到尾段都進入咗一個瘋狂狀態，我已經唔會理首歌係點，我覺得我點唱都得、點都唱到！」至於下一個目標，他直言：「想發掘吓到底有冇其他類型嘅歌適合自己，亦希望喺唱歌方面繼續進步，同時想涉獵多啲音樂以外嘅嘢，當然想喺頒獎禮攞獎！」