6號非洲小解 被駱駝嚇親

樂隊RubberBand主音繆浩昌（6號）早前偕隊友李兆偉（阿偉）、黎萬宏（泥鯭）到非洲索馬利蘭探訪，6號說：「我以為自己唔會喊，今次決堤係因為唱番10年前去完津巴布韋探訪之後寫嘅歌《We are One》畀一班學生聽，冇諗過10年後可以唱到畀非洲人聽，好特別，觸動到自己。」當地環境惡劣，洗手間慘不忍睹，3人要到草叢「解決」，6號更試過小解時聽到疑似猛獸的叫聲：「啲叫聲好低沉，好似侏羅紀公園嗰啲恐龍叫聲，後來工作人員話係駱駝。呢件事令我有所領悟，覺得都市人好無知，竟然『笠水』到咁嘅情況，我覺得自己好鬼廢！」