詹瑞文演足100場 張智霖父子睇得肉緊

闊別舞台8年的詹瑞文順利完成6場單拖喜劇《即興之王》，完騷後「即興」宣布籌備第二輪演出：「呢個係我人生中同事業中都好重要嘅一個作品，所以我宣布個show係唔會只做幾場嘅，至少都會做100場，呢個係我一個願望。今年希望呢個show，可以帶到去星馬、美加等地，同當地華人或者香港人，一起分享呢個快樂！」張智霖偕兒子張慕童（魔童）現身捧場，魔童見到詹瑞文扮「Moment姐」，並即興坐在一位男觀眾的大腿上時，即肉緊到捉住張智霖的右手，兩人「十五指緊扣」，相當興奮。