江嘉敏打到半天吊 右手受傷「不舉」

江嘉敏與高海寧同樣正在拍攝《武林》，劇中嘉敏善於掌功，差不多每日開工都打到飛起。她拍攝《新四十二章》、《殺手》及《食腦喪B》時已周身傷，嚴重致小腿骨裂及移位。日前拍攝《武》劇一場吊威吔打戲後，她的右手「不舉」，她受訪時謂：「因為嗰日吊喺半空，好多力度都唔受控制，之前整親隻中指，依家隻手掌瘀晒又舉唔起，我諗係傷到啲韌帶，不過因為呢幾日要開工，未有時間睇醫生，本來有場大打嘅戲份，但我隻手都郁唔到，所以要延遲拍攝。」