張繼聰被彈發福 即時嬲豬

藝人張繼聰早前行沙灘自爆被認錯是張敬軒，日前他在社交網透露與太太謝安琪外出撐枱腳時，鄰桌的婆婆認出他們，卻叫不出名字，張繼聰寫道：「大家交換微笑之後，婆婆就嚟料啦，佢不停讚我太太好靚，生咗兩個小朋友都好後生，真人又靚過上鏡，好健談，然後對住我講『你就好似肥咗好多』，我心裏標咗四個字出嚟，估吓係咩？我究竟出街要畀你哋bully幾多次？又唔認得我，大隻同肥又唔識分。你哋班人想點呀？」網民紛紛留言「安慰」張繼聰：「唔好嬲啦，我覺得你好型，軒仔。」