蔣祖曼被求婚身水身汗

藝人蔣祖曼與黃智賢（Ben）於無綫新劇《逆天奇案2》有場浪漫船上求婚戲，雖然氣氛看似浪漫，但拍攝過程相當辛苦，蔣祖曼透露：「當日天氣係超級無敵熱，雖然我着到唔係好厚，但我真係好大汗，拍到身水身汗，反而阿Ben好犀利，仲要着西裝三件套，但佢真係完全冇汗出！」講到與Ben再續前緣，她直言雙方已有默契：「今輯重點喺感情上，所以會同阿Ben多啲親密戲，佢不嬲都照顧拍檔，戲內戲外都會幫你諗埋，所以同佢拍嘢係好開心同放心。」另外，劇中打戲連場的Ben在社交網上載健身相，半裸晒爆肌身材，勁吸逾5千讚好，圈中好友楊茜堯、袁偉豪等也留言大讚。