麥當娜曾瘋戀音樂監製 開騷羞辱舊愛

美國流行音樂女王麥當娜（Madonna） 向來言論出位，最近她舉行演唱會時又再爆Seed，即惹來外界談論！她在開騷期間自爆多年前與一名男子撻着，她帶笑表示：「我瘋狂地愛上佢，但佢當我係一舊屎。我只係想講，老兄，你對我真係好固執。」她沒有開名，只說：「OK嘅，我好明白。你當時只係個小男孩，但我希望你依家已經長大。」之後她「開名」：「我公開地羞辱你。我講咗你名未？佢個名叫Dallas Austin。」之後她更自爆曾用所有咒語來令對方愛上她，不過咒語完全不成效，她笑言：「係你（Dallas）嘅損失。」當時35歲的麥當娜與年輕12歲的音樂監製Dallas於90年代因合作大碟《Bedtime Stories》而有過一段情。