粉麵店結業李亦喬告別「牛雜妹」

曾參選港姐的李亦喬（Monnie），家人在元朗經營了20年的粉麵店在時代巨輪下難逃被淘汰，今日正式結業，Monnie前晚於店內接受本報專訪，透露因屋企經營粉麵店獲「牛雜妹」稱號，對麵店和稱號同感不捨，入行後經常返店內幫手，不少食客都見證她成長，宣布結業後有不少熟客來幫襯，爸爸更重遇10年前的食客，覺得是完美總結。

麵店結業的同時，Monnie正籌備婚禮年底出嫁，她指是事有湊巧：「爸爸媽媽做咗20年係時候退下休息，而我以後唔再叫牛雜妹，重新開始。」Monnie日前在粉麵店拍婚照作紀念，圓潤身材惹來大肚疑雲，她直言努力造人兩個月，但應該未有，若雙喜臨門，應該很多人好開心。