陳敏之等足6年再踏台板

而日前敏之與兩位視帝陳山聰及陳展鵬結伴到馬來西亞登台，以一條粉紅色斜膊露肩裙示人的她，露出逆天長腿，相當吸睛。她接受本報訪問時坦言已超過6年沒有到當地，今次能與好友展鵬及「阿哥」山聰拍住上感到相當開心。她說：「依家真係好少機會可以登台，我都最少6年冇嚟，之前同邊個嚟都唔記得，所以特別珍惜。」由於太久沒登台，敏之為了尋找當年用的個人專屬耳機都花了兩個多小時，她說：「我搵到凌晨先搵得番個耳機，跟住朝早機，真係好眼瞓，所以諗吓幾耐冇登台，希望今次之後多啲登台機會啦！」她開心表示稍後會到澳門登台，而正忙於拍攝邵氏劇集《執法者們》的她，之後會繼續開工，當然直播亦會繼續開啦！