薛家燕被周星馳啟發喜感

由麥美恩（Mayanne）主持的清談節目《Mayanne小喇叭》昨晚邀來薛家燕和林敏驄等人擔任嘉賓，薛家燕分享當年被周星馳啟發喜感：「其實我唔知自己有喜感，直到星爺搵我拍《食神》，到拍嗰日佢話：『家燕姐，你係咪好鍾意跳舞㗎？』我就話係，6、70年代嗰時。佢就話：『喂！跳嚟睇吓！』我咪跳幾下咯，跟住佢就叫我等等，裝完幾部機再話：『嗱！你由呢度跳去嗰度，盡量發揮你嘅跳舞。』嗰part舞就係咁跳出嚟，跳到我自己嗌cut。」