余香凝出席金像獎 偷雞飲奶

第二屆香港網絡影評人HIGHLIGHT大獎結果出爐，其中電影《年少日記》勇奪包括電影、導演、劇本、新導演4個獎項，而梁朝偉就憑《金手指》榮獲「最HIGHLIGHT男主角」，余香凝則獲女主角獎。而余香凝於ViuTV節目《周六食花生》又講到上屆出席金像獎頒獎禮的趣事：「因為嗰陣大緊肚，會好易攰同眼瞓，所以喺座位下面準備咗好多嘢。每一次唔係影我嗰陣，就會攞包奶出嚟飲，因為我好肚餓。」面對獲獎與否，她笑言不太計較得失，最重要是自我調整心態和期望。