林雅詩 情路差疑被咒

藝人林雅詩早前於短視頻平台上載短片，疑危站高樓，並表示「好X唔開心」，令人擔心。她前晚接受好友的直播訪問，精神不俗，提到其社交平台多是不愉快的事，她自嘲：「我係個麻煩友，有少少情緒病，少少事都會情緒唔好，有時網上Po啲嘢令人誤會，其實只係想抒發吓！」講到抑鬱症問題，她說：「生完小朋友已有產後抑鬱，係我媽咪發現，佢叫我睇醫生，慢慢演變到依家咁，經歷離婚、感情、工作、輿論壓力，朋友叫我唔好睇網上言論，但我會睇，由唔舒服睇到若無其事。我有時諗係咪畀人詛咒，一生嘅感情經歷唔係咁好。」