分飾兩角 演到精神分裂 鄧麗欣：諗番都會痛

Stephy戲中一人分飾兩角，但因角色不太正常，演繹時相當複雜，加上由年輕演到十年之後，角色難度甚高。問到可會演到精神分裂？她笑說：「可能有時自己都未必知，通常話冇都係有，演出後本來覺得冇乜影響到我，但係睇番套戲，再諗番先發覺嗰種傷痛係有影響到我，諗番拍攝過程都會有痛嘅感覺。」

她又指拍攝時劉以豪氹得她很開心，大讚這位男神是開心果。劉以豪坦言首次與Stephy合作，初時又驚又緊張，合作後卻覺得她很貼心。今次體驗到香港拍攝電影的急速節奏，慶幸還跟得上。Stephy則指拍攝時曾教他廣東話，但記者再問劉以豪時，他已表示忘記得一乾二淨。劉以豪笑言自己沒有語言天分，教完當天的下午已經忘記，不過還聽得懂粗口。