楊茜堯兩公婆拍拖開工

視后楊茜堯剛拍完無綫劇集《黑色月光》，日前便與老公羅子溢到澳門拍攝節目，更被網民野生捕獲。拍攝時羅子溢除了向太太送上鮮花外，二人還手拖手、嘴對嘴，羨煞旁人。楊茜堯接受本報獨家訪問時坦言：「我好耐冇同老公拍嘢呀！今次節目都係講兩公婆嘅相處點滴，都幾開心嘅，因為我哋都未試過去澳門拍拖，咁我啱啱又完咗套劇，咪當兩公婆拍吓拖！」