黃翠如陳自瑤攬樹放負

藝人陳自瑤與好姊妹黃翠如為無綫節目《世界養生組織》任主持，大談養生之道，首集孖住到慈山寺感受大自然靈氣，赤腳行草地。陳自瑤覺得森林浴與行山感覺不同：「森林浴講究專注自己嘅感受，放鬆心情聆聽大自然嘅聲音。」兩人擁抱寺中的菩薩樹釋放負能量，又學習「行禪」及「茶禪」的禪修心法，陳自瑤說︰「抱嘅時候，我同大樹講，今日好開心有呢個緣分，可以遇見佢、攬住佢，等我充滿愛同正能量。菩薩樹畀我嘅感覺，好似一位長輩滿有智慧同慈愛。」而翠如與菩薩樹道別時，趁機訴說心中的重擔：「希望下次嚟嘅時候，可以將呢啲重擔放下。」