李泇霖出歌解心結

無綫歌唱真人騷《中年好聲音》第一季選手李泇霖昨日現身商場，出席個人首支新歌《梅特林克的青鳥》音樂發布會，同為第一季選手的顏志恒和何博文擔任活動表演嘉賓。李泇霖笑言雖然年紀比較大，但如今終於圓夢：「其實呢首歌早於5年前已經有，話說幾年前我媽媽過身，佢生前最為我唱歌而感到驕傲，所以我成日諗點解我唔喺佢在世嘅時候出呢首歌，呢個係遲嚟嘅承諾，我今日終於做到啦！」並指今年的目標是推出3首歌曲。