莊思敏豪歎米芝蓮 食足5粒鐘

藝人莊思敏早前應邀到日本出席活動，5日快閃3個地方，包括大阪、京都與神戶，她形容此行豪玩豪食，最難忘在大阪品嘗米芝蓮三星餐廳，人均10萬日圓（約5,200港元），整頓飯食足5粒鐘：「事前瞓定晏覺，因為怕食食吓瞓着，結果由晚上7點食到12點。」她最喜歡一道叫「地球」的菜，用100種蔬菜做食材，而且上菜方法很特別，侍應捧着巨型碟講述菜名起源，像飛碟降落地球一樣，她笑言以為睇表演：「究竟食咗幾多道菜，真係數唔到，又雞又鴨又魚，仲有好多前菜，我見隔籬枱冇影相都係快過我一個鐘。彩蛋係尾聲時個主廚出嚟傾偈，佢用咗17個月入到米芝蓮，仲要摘到三粒星，真係好勁。」