陳家樂想BB叫「陳徹」 老婆唔批！

藝人陳家樂日前為周家怡與李靖筠（Gladys）主理的網上節目《恨駕女團》任嘉賓，談及太太連詩雅懷孕逾5個月，家樂直言會事事以太太為先，就算沒做錯事都會先認錯，笑說：「以前唔會，依家會，都係為自己將來幸福啫！哈哈！」講到BB的改名問題，他直言已有想法，名字男女都適用叫「陳徹」，Gladys即時「吓」了一聲，家怡說：「我真係勸你唔好，『陳設』係用嚟擺㗎！」但家樂未有理會，自顧自說：「英文名我都諗埋㗎喇！叫Deco。」但坦言未獲太太批准，他很喜歡兩個字的名字，覺得很有型。