老公半夜餵奶 陳嘉慧有覺好瞓

無綫小花陳嘉慧（Erica）誕下女兒，前日上載女兒的首條片段，見BB頭髮濃密，吃飽奶在掃風，期間更打呵欠，相當可愛。Erica接受本報訪問時坦言現在嘗試餵人奶，亦有幫BB沖涼：「第一次嗰陣真係好驚好緊張，好彩有陪月姨姨喺我隔籬幫手同教導，同埋BB好鍾意沖涼，冇喊到。」問BB似她還是老公時，她指暫時似老公多些：「依家要爭取時間瞓覺，不過呢方面我都好叻，因為拍劇時訓練有素，一有時間就隨時瞓到，家陣係精神上緊張。老公就慘啲，凌晨要餵奶之外，仲要幫我按摩，所以都好多謝佢。」