張曦雯施誘尷尬 飲酒壯膽

無綫花旦張曦雯（Kelly）於無綫劇集《再見．枕邊人》為挽回男友馬德鐘的心，不惜買醉兼淋雨，大玩濕身誘惑撒嬌賣慘！Kelly透露拍攝該場戲份，事前確有飲酒以便進入狀態，實行「假戲真做」：「買醉仲要夾硬出去淋雨，呢個都係朱善美（角色名字）嘅必殺技。我好少演誘惑人嘅情節，對我嚟講係有少少尷尬，所以嗰場戲有飲酒壯膽，因為我個狀況係醉醉哋，我飲酒都好合情理，可以畀到個感覺。」