尊尼特普被爆辱罵女星

美國女星Lola Glaudini日前接受網台訪問，自爆曾被美國影壇巨星尊尼特普（Johnny Depp）瘋狂以粗口問候！她透露2001年拍攝電影《毒王》（BLOW）期間，被尊尼當眾辱罵，劇情講述她與另一女子躺在沙灘上，導演要求她們在尊尼讀對白時大笑，於是她照着做，拍了幾Take後，尊尼突然指着她破口大罵：「你個X街，你以為你係邊個？收把X口！我喺度講X緊對白，而你就喺X度搶鏡，真係白X癡！哦！依家唔笑喇咩？依家可以收口嗱？依家可以收你把X口未？」Lola當時滿腦子只想着「唔好喊」，但因想繼續拍攝而沒有還擊。