陳凱琳出埠 囝囝「失寵」變乖

藝人陳凱琳昨日出席環保活動，提到早前到米蘭及巴黎出席時裝周活動，她表示：「係一次好好嘅體驗。今次去咗10日、8日，老公鄭嘉穎同我講，你走咗之後，啲仔乖咗呀！」原來鄭嘉穎覺得太太平時太和善，容易被囝囝欺負：「佢哋會要求媽媽抱、孭同餵飯，我通常都會應承，但老公就要求佢哋自己做番，我返嚟都覺得佢哋真係乖咗。（有冇打回原形？）老公叫我返嚟之後唔好推倒晒，佢做咗咁多工夫，我當然要幫手執行。」陳凱琳還提到於歐洲看騷期間，因缺乏經驗未能以最佳狀態示人：「冇助手、化妝師同髮型師跟身，日日喺度自己熨衫同轉妝，令我明白有啲錢真係唔慳得。」