泳兒滑雪玩到腳震

歌手泳兒與髮型男友Ziv日前飛到日本旅遊，她拍片與網民分享滑雪英姿，第一條片她滑到一半便跣低，但第二條片她已成功滑到一整條雪道，進步神速，她留言：「即興飛幾日，開心仔。唯一嘅遺憾就係忘記咗點樣snowbaord，然後去咗試Ski，我唔願走叫咗楊師傅（Ziv）自己去行街（佢都不知幾想自己行）玩到個playground得番我一個，學成嗰日，第二日就要走冇得上山頂。唯有下次再玩過。」友人問泳兒返港可有腳震？她回覆道：「未返嚟已經腳震。」