疑同Anson Lo合作 方皓玟唔講又講

與日籍丈夫離婚兩年多的歌手方皓玟昨日舉行歌迷聚會，穿上腰間開窿的西裝褸，隱約透Bra邊，她說：「咁耐冇同Fans聚會，梗係要畀啲嘢佢哋睇。」她大方承認有幾位追求者，其中一人最有機會贏取其芳心，更令她有閃婚的念頭，她不諱言正等對方顯示誠意：「我5月生日，唔知佢有冇表示？（如果對方求婚呢？）我有鋪閃婚癮，睇吓佢送幾卡戒指再諗。（係圈中人？）圈外生意人，細過我嘅。（外籍人士？）以前細個崇洋，但瀨過嘢（指離婚）後，唔鍾意外國人，佢係香港人，我就唔係好睇樣，但對方都唔差。」