楊梓菁提男友 繼續玩神秘

藝人楊梓菁昨午出席活動，為好姊妹陳樂榣的珠寶品牌站台，陳樂榣的未婚夫葉泓聲亦有到場。產後收身成功的楊梓菁表示已準備全面復出：「BB依家6個月大，媽咪照顧得佢好好，我可以放心做自己嘢。」談到生B如此神秘，她解釋：「有咗嗰陣好多嘢要準備，又佗得唔穩，後嚟諗住順產，但個胎太大有成8磅幾，要改開刀。坐月我又唔係好識保養，搞到傷口發炎要入院放血水，日日食唔安坐唔落，諗住搞掂晒先同大家講啫。」問到會否再追多個？她說：「唔抗拒再懷孕，最好一仔一女。」談到男友，梓菁三緘其口：「等遲啲得閒先籌備（婚禮）。」