連詩雅搵奶粉錢 做到「卸貨」前

剛宣布懷孕的歌手連詩雅（Shiga），前晚以露腰晚裝配上3、4吋高跟鞋為慈善節目演出，每走一步都被旁人叮囑小心。驟眼望她依然手腳纖幼，且透露懷孕已進入19周，工作搵衫都開始有困難：「體重上升約10磅，唔想再上磅嘞。」談到老公陳家樂，她坦言：「佢對我着高踭鞋有啲微言，我只係着嚟上落台啫。（口味轉變？）想食酸同濃味嘢。」她坦言希望工作到「卸貨」前：「我要搵奶粉錢。（諗住開刀生？）仲考慮緊。（有冇嘔吐？）頭3個月囉，嗰時喺內地做緊巡迴演唱，BB起碼陪我走咗3、4場騷。每次做產檢，BB都跳得好犀利，老公起初就表現得有啲激動。」而周柏豪前晚提到好友Shiga有喜，他表示：「好早我已經知道，有恭喜佢，會將BB用品傳畀佢用。」