細女冇叫爸爸 陳柏宇肉痛

歌手陳柏宇昨日出席環保活動，提到近日直播時細女突然狂嘔，他說：「小朋友嘔好正常，我細個都斷過手腳，鎖骨都斷過。佢嘔係因為食咗炒蛋，主要係太油膩。」而早前細女又患上腺病毒，病了一星期，令他感肉痛：「佢之前成日嗌爸爸，但病到唔叫我，陰功，不過佢依家好番就好精靈，又可以成日叫爸爸，叫到我太太話『你同佢搬出去住吖笨』。」本月10日是細女一歲生日，問他如何慶祝？他坦言不打算大事鋪張：「可能簡單請朋友上屋企玩，大女一歲生日搞生日會，都只係大人玩，所以唔好搞咁多，而且又要花幾萬蚊，寧願花錢同小朋友去唔同地方旅行。」