Taylor老竇護女心切疑向狗仔隊出拳

於澳洲開騷的美國天后Taylor Swift周二凌晨約2時半於悉尼碼頭落船，遇狗仔隊拍攝，期間保安開遮擋鏡頭，與Taylor同行的71歲父親Scott Swift涉嫌衝向51歲狗仔隊員Ben McDonald並揮拳打臉。Ben報警聲稱左臉疼痛，不過毋須治理，警方現正調查事件。

Taylor發言人發出聲明：「兩個人好挑釁咁推撞接近Taylor，擒住佢嘅保安，又恐嚇要將一個女性員工擲落水。」Ben回應指聲明是謊言：「完全係垃圾，我都預期佢哋會亂噏，邊個女性？現場唯一女性就係Taylor。我唔知因為乜刺激到佢老竇，我影咗23年相，從來未遇過咁嘅事。佢落咗船，就行去保安度，佢哋就搵遮隊住我哋塊面。」Ben從前曾於澳洲女星妮歌潔曼（Nicole Kidman）悉尼寓所偷裝竊聽器，被對方申請禁制令。