沈穎婷返加送別李影

資深藝人李影前日在加拿大離世，她曾參選港姐的大女沈穎婷與二女Vivian均在香港，收到噩耗後，已即時訂機票返加拿大為母親辦理後事。沈穎婷在社交網表示︰「多謝大家關心，我同妹妹依家返緊去加拿大接媽媽回家。大家有心了！媽媽為人好低調，平時鍾意同朋友出去聽歌，唱歌，玩，唔希望大家會為咗佢唔開心太耐。無太多想講，希望外界畀啲空間我哋。唔夠幾個鐘就全香港都知其實係勁嘅。李影的確係威嘅，證明好多人都好錫媽媽。好幸運能夠做你的女兒，下世約你再繼續呢段緣分啦！」