黃智雯美食大過天 無心買名牌

藝人黃智雯（Mandy）近日到意大利出席時裝騷，先後現身兩個活動。雖然連日陰天兼嚴寒，但Mandy依然走到街上大玩街拍：「上次到米蘭旅遊係晴天，今次就連日都陰天濕凍，感覺係另一番風味，始終咁難得嚟到米蘭，無論咩天氣當然要街拍。」問到會否趁此行掃名牌手袋？Mandy自言更渴望一嘗當地美食，她說：「出發前搜尋咗好多當地著名餐廳同美食，想食到好嘅食物多過買手袋。（老公冇同你去？）冇呀！新年後大家都要工作，我要趕返香港宣傳新劇，本身唔係爛玩嘅人，工作時會專注工作。」