衛詩雅爭做契媽 黃翠如期待靚B

身為Shiga閨蜜的陳自瑤（YoYo）與黃翠如同樣高興，YoYo指家樂與Shiga同樣喜歡小朋友：「知道消息嗰陣好驚喜，可以組織一個幸福家庭，好恭喜佢哋。佢哋兩個都係靚人，生出嚟嘅無論係男仔定女仔，都一定係非常可愛同靚嘅寶寶！」而翠如則一早知情，問到會否做契媽，她笑說：「總之Shiga叫我哋做咩就做咩，家樂同Shiga都咁靚，好期待出嚟個BB應該會超級靚，同埋一定會係Model身形。」此外，翠如昨日偕C君及周奕瑋飛往台灣拍攝旅遊節目，3人未出發先興奮，上機前攬頭攬頸打卡。