昔日東方陳家樂芝加哥攞獎 急住威畀家人睇
藝人陳家樂主演、劉偉恒執導的英皇電影《出租家人》將於3月14日正式公映，開畫前夕，電影獲邀參展第18届芝加哥亞洲躍動電影節，陳家樂更獲頒璀璨之星大獎，屆時他將與導演飛到芝加哥接受榮譽，並順道與當地影迷作近距離交流。
盼與港片粉絲交流
對於榮獲外地影展的認同，陳家樂笑言：「好開心、好榮幸，喺事業上能夠得到大眾嘅肯定，對我嚟講係一支強心針，令我更有信心、更有動力去行呢條演藝路。」家樂上一次飛到外地參與影展，已經是八年前的《幸運是我》，他說：「今次以《出租家人》出席芝加哥影展，心情好興奮，芝加哥係我未去過嘅城市，希望到嗰邊見識一吓，同當地鍾意港產片嘅朋友多多交流。」
問到是否渴望得到演技方面的獎項嘉許？他坦言：「我相信只要用心，就有獲獎嘅機會，我唔會強求，如果係個人嘅話，我覺得仲有時間，係可以等，到60歲都得；但我想盡快嘅原因，係希望屋企人能夠見到，畀佢哋知道我有努力、有用心。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
