支嚳儀玩轉濟州島 湊仔一腳踢

《中年好聲音》歌手支嚳儀在農曆新年期間，偕攝影師老公Jimmy和4歲囝囝飛到韓國濟州島旅遊，為了彌補過往太忙而沒時間陪伴囝囝，他們今次並沒有帶工人姐姐同行，而是全程貼身照顧，她謂：「濟州島好靚，我哋去咗好多親子遊樂區，打卡地方又有，總之所有行程都係以囝囝為主，佢好興奮，每晚玩到11、12點先瞓，佢瞓咗我先可以做自己嘢，自己瞓覺時已經係3、4點，嚟旅行都唔係超級休息，係全職媽媽狀態，但我都好享受。」