王浩信爆姚子羚扯火險推冧布景

視帝王浩信夥拍姚子羚孭飛的無綫劇集《狀王之王》進入結局篇，近日他們接受無綫娛樂新聞台《Star Talk》訪問時大談拍攝點滴，浩信爆料指子羚拍攝一場情緒戲時差點撞爛布景：「嗰場戲我叫佢盡情嚟，因為我都做開Gym，諗住頂得住，點知佢一火起上嚟將我成個人推向道門，我都嚇咗一嚇，當刻佢嘅情緒好高漲，冇理由嗌Cut嘛，拍完之後我話：『你好勁喎，我後面道門差啲畀你拆咗！』」子羚則提到一場被休妻戲份，直言難度高：「最大難度係喺間屋入面唔可以喊，但一出咗門就要爆喊，好開心可以畀我一Shot落做到呢件事，唔會斷咗嗰刻嘅情緒，因為谷住好辛苦，反而爆咗出嚟係最正！」