朱千雪戒汽水 自爆佗龍「仔」

前港姐朱千雪懷孕約6個月，最近她透過社交網分享興奮心情，表示：「預產期愈嚟愈近，開始要向身邊媽媽取經，聽啲媽媽講照顧好自己係好重要，要保持好心情，因為懷孕之後要戒晒汽水、咖啡、珍珠奶茶，呢啲都係我平時最鍾意飲嘅，所以係有啲唔慣，依家會自己整Homemade smoothie，好似藍莓、蘋果牛奶嚟飲。」她又指懷孕後皮膚容易乾燥和敏感，因此會特別挑選適合孕婦的護膚品。她還留言：「咁快就已經同我肚裏面嘅小情人合二為一6個幾月喇。」其中「小情人」疑似漏口風透露佗住龍仔。